Bismillahirohmaanirohiim,
Assalaamu’alaikum
Warohmatulloohi Wabarokaatuh,
Alhamdulillahirobbil’alamiin,
puja puji syukur sumongga kita konjukaken dhumateng Gusti Alloh Ingkang Maha
Kuwaos, ingkang sampun paring rohmat, hidayah, lan inayah-Ipun saenggo kita
saged ngleksanakaken Syawalan Trah Marto Suwito kanthi wilujeng.
Mugi-mugi hadicara puniko samangke saged kaleksanan kanthi sae, soho nambah
raketipun kaluwarga ageng Trah Marto Suwito.
Ingkang kawulo
hurmati, Para Sepuh, Pinisepuh Trah Eyang Michael Pariyo, Sanak Kadang
Magersari, lan Kadang Werda Taruna ingkang kawulo tresnani,
Matur nuwun awit
paring wekdalipun dhumateng kulo. Saderengipun kawulo nyuwun pangapunten
cumantoko ngadek sak wentawis wonten ngerso jengandika sami, awit nuhoni
dhawuhipun para kadang supados hamakili matur saking putra wayah kaluwarga
ageng suwargi Eyang Marto Suwito.
Ingkang sepindah,
karono puniko dinten Riyadi, putra wayah ngaturaken Sungkem
Pangabekti dhumateng Pinisepuh sedaya.
Ingkang Kaping
Kalih, karono wekdal puniko dinten ingkang sae, sedaya putra wayah ngaturaken
sedaya kalepatan, sae ingkang kasengaja, punopo mboten kasengaja dhumateng Para
Sesepuh, Pinisepuh, Sanak Kadang, Magersari, lan mitro ruwang sedayanipun.
Mugi-,mugi kalepatanipun putro wayah saged kaparingan pangapunten awit saking
pangestunipun Para Sesepuh sedaya.
Ingkang sak
lajengipun, putro wayah sedaya nyuwun donga pangestu mugi-mugi angenipun
lelumban wonten samudraning bebrayan pinaringan ayem tentrem, lajeng inkang
taksih pasinaon pinaringono kelancaran, lan ingkang wonten puruk tinebihno ing
rubedo.
Cekap semanten anggen
kawulo matur. Mbok bilih wonten tumpangsuhipun, mboten puniko hangirangi subo
sito hananging awit saking cublukipun pangerstosan kawulo.
Akhiru kalam,
Wabillahi taufik
wal hidayah
Wassalammu’alaikum
Warohmatulloohi Wabarokhaatuh.
Tidak ada komentar:
Posting Komentar